O noso PDC agora é Proxecto de Vida Activa e Saudable

 Por noveno curso consecutivo o noso centro educativo continuará participando no PROXECTO DEPORTIVO DE CENTRO do Plan Proxecta da Consellería de Cultura, Educación e Universidade da Xunta de Galicia.

Agora a denominación do proxecto pasa a chamarse Proxecto de Vida Activa e Saudable pero seguirá tendo como obxectivos a alimentación saudable e a organización de diferentes actividades para fomentar o ocio activo, o exercicio físico e a vida saudable en toda a comunidade educativa.

Aínda que as restricccións debido á situación sanitaria imposibilitan que continúe DIVERTIPATIO, aparcamos esta actividade para continuala nun futuro, e continuamos organizando dinámicas como o concurso DIVERTICÁN, charlas, plataforma DAFIS, obradoiros de alimentación saudable, saídas saudables, etc.

COMEZAMOS!!

Formación sobre Reanimación Cardiopulmonar e Desfibrilador Externo Semiautomático.

 O profesorado do CEIP Pluirilingüe Barrié de la Maza contou cunha formación en centro sobre RCP e DESA impartida polo mestre César Ramos, ao que asistiron membros do Claustro de mestres e mestras.

Venus Vila Forján xa ten o seu premio como gañadora do Concurso DIVERTICAN

 

 

A alumna Venus Vila Forján recibiu hoxe a camisola conmemorativa do PDC, como gañadora do Concurso DIVERTICAN 2021. Parabéns Venus!!

Comezamos a actividade Tenis na Escola

 Os mestres de Educación Física comezaron a desenvolver nas súas clases unha unidade didáctica de tenis, grazas ao material específico cedido pola Federación Galega de Tenis.

O Programa Tenis na Escola é un programa de promoción que busca achegar o tenis aos centros escolares de Galicia. A través deste programa queremos solucionar un dos principais inconvenientes cos que os centros escolares se atopan para poder impartir unha unidade didáctica dedicada ao tenis, que é a falta de material específico.

No noso centro educativo levamos tres cursos participando neste programa. A continuación unha instantánea dunha sesión na clase de 6º B.

 

GAÑADORA DO CONCURSO DIVERTICAN 2020/2021

 Parabéns para Venus Vila Forján de 2ºA que, co seu debuxo, foi a gañadora do concurso de Diverticán este curso académico. 

 

 PARABÉNS!!!!

COMEZAMOS AS PROBAS DAFIS

Como levamos facendo xa 7 cursos, o noso colexio participa no proxecto DAFIS. Os protocolos de valoración da condición física saudable contemplados en DAFIS pretenden medir aquelas cualidades físicas e psicomotoras que está demostrado cientificamente que gardan relación coa saúde e permite coñecer en que estado físico se atopa a persoa para decidir cales son os aspectos que necesitan melloras e cales non.

A valoración é fundamental para coñecer e facer un seguimento dos valores de condición física, a partir dos cales poder deseñar actuacións adaptadas ás necesidades das persoas.

A pasada semana os titores e titoras comezaron a realizar as medicións antropométricas, mstres que esta semana os mestre de educación física empezaron coas probas físicas ao alumnado.

Máis información sobre esta batería de probas na seguinte ligazón:

https://dafis.xunta.es/index.php

 

PRIMEIRAS IMAXES DA DINÄMICA "EU MÓVOME NAS FINDES"

 A participación dos nenos e nenas nesta actividade está sendo inmellorable e no hall do colexio xa temos as primeiras imaxes dos nenos e nenas do Barrié facendo sendeirismo!! Anímate a participar!!!

Tanén podes ver as fotos na seguinte ligazón:

VER FOTOS

 

EU MÓVOME NAS FINDES

 Dentro do PDC do Barrié ponse en marcha “Eu móvome nas findes” Trátase de fomentar que o alumnado camiñe nas fins de semana. As persoas que o fagan terán un premio (un adhesivo da actividade co logo do proxecto).

Animádevos a enviarnos as vosas fotos camiñando ou facendo sendeirismo e formarán parte dun mural no corredor do cole e na páxina web.

Para máis información podedes premer na seguinte ligazón:

EU MÓVOME NAS FINDES!! 

 A que agardas para botarte a camiñar?

CONCURSO DE DEBUXO DIVERICAN "ACTIVIDADE FÍSICA EN TEMPOS DE COVID"

 

Como sabedes “Divertican” é a mascota do noso “Proxecto Deportivo de Centro”. Este can deportista aparece no noso logo, no noso blogue e en toda a documentación relacionada co proxecto.

Os mestres e mestras participantes no Proxecto Deportivo propoñémosvos  unha tarefa voluntaria na que todos os alumnos e alumnas de educación primaria poidades participar.

Trátase de realizar un debuxo de “Divertican” practicando actividade física de forma segura cun texto de non máis de 5 liñas onde se conte algo relacionado co debuxo: unha poesía, unha historieta de Divertican, a súa historia…

O debuxo deberá ser tamaño folio e pódese colorear ou decorar coa técnica que estimedes oportuno: rotuladores, ceras, pinturas, collage, acuarela…

O mellor traballo será elixido para figurar en toda a documentación do proxecto, será publicado no noso blogue, e o alumno ou alumna gañador recibirá de premio unha camisola co logo do proxecto.

Anímádevos e participar!!

 Traballos gañadores en edicións pasadas

COMEZA UN NOVO PROXECTO DEPORTIVO NO BARRIÉ

 Unha vez que  foi admitido pola Consellería de Educación un novo Proxecto Deportivo de Centro no noso cole e despois de facer a xuntanza inicial co profesorado participante, aínda que cu pouco de retraso, XA COMEZAMOS O NOSO PROXECTO!!!.

A realidade actual que nos toca vivir con motivo desta crise sanitaria limítanos moitas das actividades que fixemos cursos pasados, DIVERTIPATIO e XOVES SOBRE RODAS, terán que esperar a que a situación mellore... pero non por iso temos que estar tristes!!!

O PDC 2020/2021 terá moitas outras actividades para que gocemos e aprendamos moito da actividade física e da alimentación saudable: EU MÓVOME NAS FINDES ou MOCHILAS DEPORTIVAS VIAXEIRAS son dinamicas novas incorporadas a este proxecto que xa comeza!!!

O equipo de mestres e mestras do PDC danvos a todos e todas e benvida a este no proxecto!! Adiante!!!